A principios da década do 2000 dotouse a todos os concellos da comunidade galega de aparellos de exercicio físico denominados biosaludabeis que daban acceso ós veciños do rural a posibilidade de facer exercicio de mantemento e incluso de rehabilitación física nas proximidades das súas vivendas. O Concello do Saviñao non foi unha excepción e case que todas as parroquias teñen instalados estes aparellos con aceptable uso por parte da poboación.

Na actualidade, a asociación asegura recibir queixas polo estado de abandono e inutilización destes aparellos, “estando uns totalmente deteriorados, outros con sinais de agarrotamento e case que todos coa carencia da información acerca do uso e correcta utilidade dos mesmos”. A asociación solicita ao concello as necesarias labouras de conservación desta dotación pública, “xa que en todo este tempo non se realizou revisión algunha.”