Un ciclista resultou ferido na tarde deste martes ao sufrir unha caída na estrada LU-633, ao paso polo municipio de Triacastela.

Sobre as 15.30 horas, o 112 foi informado por Urxencias Sanitarias de Galicia-061 da mobilización do helicóptero medicalizado con base en Ourense para a atención médica do ciclista accidentado. Unha vez no punto, o ciclista foi trasladado na aeronave ao centro hospitalario de referencia.

Ademais, para prestar apoio aos servizos sanitarios, o 112 Galicia pediu a colaboración dos Bombeiros de Sarria e dos axentes da Garda Civil.