HomesociedadeBóveda corrixe impactos paisaxísticos renovando o exterior dos centros asistenciais de Bóveda...

Bóveda corrixe impactos paisaxísticos renovando o exterior dos centros asistenciais de Bóveda e Rubián

O Goberno local de Bóveda recibiu unha achega do Instituto de Estudos do Territorio de 38.367 euros para acometer varias actuacións de corrección de impactos paisaxísticos.

Publicado o

POR
Redacción
- Advertisement -

O departamento dependente da Consellería de Medio Ambiente, Territorio e Vivenda concedeu 20.000 euros para a renovación do acabamento exterior das fachadas (parámetros, carpinterías, cerrallerías) dos centros asistenciais de Bóveda e Rubián ante o seu estado de deterioro.

Para a corrección do impacto paisaxístico acometeuse a limpeza dos soportes, reparáronse os descascados e gretas e fíxose o acabado con pintura de conformidade coa Guía de cor e materiais de Galicia.

Centro asistencial de Bóveda / Concello de Bóveda

Tamén no marco das axudas para actuacións de corrección de impactos paisaxísticos destinados a concellos de Galicia, o Instituto de Estudos do Territorio concedeu unha contía de 18.367 euros para a rehabilitación da fonte e lavadoiro de Vilar, en Guntín, un inmoble que se atopaba moi deteriorado.

Os traballos consistiron en eliminar todos os elementos construtivos alleos á tipoloxía tradicional, como fibrocemento e formigón; na limpeza e acondicionamento da contorna, na reconstrución dos muros perimetrais en pedra e na execución dunha nova cuberta con madeira e lousa.

O alcalde de Bóveda, José Manuel Arias, valora esta liña de axudas do Goberno galego “que permite acondicionar e recuperar espazos públicos que non se atopaban en bo estado”.

Fonte e lavadoiro de Vilar / Concello de Bóveda

ÚLTIMAS

Monforte presenta a programación da Feira Medieval na inauguración do Mercado previo a esta cita

A 21ª edición da Feira Medieval celebrarase os días 19 e 20 de abril...

Éxito da carreira Xacorun e para o 3 de maio prepárase a Pretorian Race

No encontro avaliouse o éxito de participación que rexistrou un ano máis a primeira...

Cortes de rúas e ordenación do tráfico este 5 de abril en Monforte

Dende as 17:30 h ata as 20:00 h permanecerá pechado o tráfico de vehículos,...

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...