O Club Fluvial de Monforte celebrou unha paellada popular aberta a todo o público con máis de 300 participantes para celebrar o fin da tempada de baño. Con todo, dadas as temperaturas extraordinarias deste mes de outubro, continuará coa súa piscina calefactada aberta durante uns días máis.
A preparación correu a cargo do mestre paellero, José Arias, e a festa estivo amenizada polo grupo de música tradicional “Aikirindo”, que combina a percusión co tradicional son das gaitas.
O próximo evento que programa esta entidade será o magosto/samaín, que repetirán un ano máis co roteiro de monstros debido á gran acollida do ano pasado, con máis de 500 participantes que percorreron os 28 mil metros das instalación do club fluvial con lanternas na buca de personaxes escondidos para darlles os caramelos nun truco ou trato. Este ano manterán este roteiro e engadirán algunha sorpresa máis que desvelarán nos próximos días.
Club Fluvial Monforte paellada 2023 / Club Fluvial
