Este traballo audiovisual, dirixido por Federico Rioboo e promovido pola asociación A Memoria é Naúfraga, proxectarase primeiramente en Lugo, e a continuación noutros concellos do sur de Lugo como son: Bóveda, Quiroga, Taboada, Chantada, Sarria, Samos, A Pobra do Brollón e Monforte. A devandita asociación organiza as proxeccións en colaboración con concellos e asociacións culturais das distintas localidades.
A estrea será este sábado 14 de outubro no Vello Cárcere (19:30 horas) e o domingo 15 proxectarase no Centro Sociocultural de Bóveda (18.00 horas). Nese concello, nunha casa de Xullán, na parroquia de Toimil, recuperada por A Memoria é Naúfraga como centro cultural e de memoria, refuxiouse Manuel Díaz antes de ser apresado e fusilado en setembro de 1936.
Este ciclo de proxeccións conta coa colaboración de concellos e asociacions culturais das diferentes localidades, e co apoio económico da Vicepresidencia da Deputación de Lugo. Dende o organismo provincial lembran que esta colaboración fai posible “a difusión e a viabilidade da produción, que contribúe á documentación da represión e ao recoñecemento das vítimas do franquismo“.
VINDEIRAS DATAS E CONCELLOS ONDE SE PROXECTARÁ O DOCUMENTAL
Quiroga: 24 de novembro
Taboada: 25 de novembro
O Incio: 26 de novembro
Chantada: 1 de decembro
Sarrria: 2 de decembro
As datas das proxeccións en Samos, A Pobra do Brollón e Monforte están por concretar.
