A titular do Xulgado de Instrución número 1 de Sarria deixou en liberdade a dúas dos presuntos autores dunha agresión sexual en grupo ocorrida en setembro nun local de lecer nocturno do municipio.

Levaban desde o día 10 de outubro en prisión provisional, comunicada e sen fianza, pero este luns a xuíza decretou a súa liberdade a través dun auto despois de que así o solicitasen as súas defensas. Ademais, a Fiscalía non se opuxo, tal e como confirman a Europa Press fontes do Tribunal Superior de Xustiza de Galicia.

A pesar de que saíron de prisión, si lles impuxo medidas como unha orde de afastamento da denunciante, a prohibición de comunicarse con ela, así como de saír do territorio español, retirada do pasaporte e comparecencia ante o xulgado todas as semanas.