No espazo dos Mercados da Praza de Abastos, é posible, durante toda a fin de semana, adquirir produtos de tempada, produtos gastronómicos de outono: castañas, cogomelos, noces ou mel así como os produtos elaborados cos mesmos: doces, marmelos ou licores ademais de aceite, embutidos e queixos galegos. En total son 12 postos de venda directa deste tipo de produtos.
Este mercado de produtos naturais e típicos de outono abriu as súas portas este sábado, 4 de novembro, ás 10 h. Este domingo, 5 de novembro, o seu horario é de 11:00 a 14:00 horas.
Entre as 12:00 e as 13:30 h. terá lugar un Obradoiro de cultivo de cogomelos. Límite de prazas: 30, sen límite de idade, e poderán participar nenos e nenas, acompañados dun adulto. Ensinarase o cultivo de cogomelos en saco, na horta ou no monte.
