La Navaja de Ockham é a continuación da exitora La caja de Pandora, arredor da tráxica morte de dous rapaces dos Escolapios en 1973. A presentación será este 10 de novembro, ás 20 horas, contando co autor, José María Lago, e presentado por Paula Vázquez Verao, como editora, cos agradecementos ao Ateneo Casino polo espazo.
A novela comeza coa presentación da primeira novela, vivida en xuño deste mesmo ano, e desenvólvese freneticamente en dúas semanas nas que a protagonista – trasundo da irmá dun dos falecidos – atopa novas liñas de investigación e cre chegar, por fin, á explicación do caso.Novamente, a novela indaga sobre as distintas versións dos feitos, recollidas pola memoria popular, e achega novas perspectivas, nunha linguaxe áxil e unha estrutura de intriga que mantén en vilo ata o final.
Na presentación, que se celebra cando xa o libro leva dous meses circulando, o autor quere compartir as impresións das e dos lectores e seguir afondando na memoria monfortina sobre estes sucesos. A propia cidade de Monforte e mesmo persoas concretas son protagonistas dun libro moi monfortino.
O prezo de venta é de 20€. Pódese adquirir na páxina web www.proencialibros.com da Libraría da Proencia en librarías de Monforte, así como na propia presentación.
