Un equipo de catro estudantes do Real Colexio Escolapios de Monforte clasificouse para disputar a final da V edición da Ciberliga que organiza a Garda Civil na modalidade preamateur, que está dirixida ao alumnado de 4º de ESO.

A fase final disputarase o próximo 15 de novembro en Aranxuez (Madrid) mediante a disputa de varios ciber-retos prácticos que buscan promover a formación en ciberseguridade e en prol dun exercicio responsable da cidadanía dixital.

Nesa mesma xornada o profesor, Javier Saco, aspira a figurar na listaxe de finalistas dos premios Educa Abanca, que cada ano elixe os mellores docentes de España.