O pasado mércores 15 de novembro celebrouse no Convento da Igrexa de Bonaval de Santiago de Compostela a entrega de premios ao Desenvolvemento Rural na súa XIV Edición, galardóns convocados pola Axencia Galega de Desenvolvemento Rural (Agader).
A Cooperativa Outonía, composta polas educadoras sociais Paula Carrera (Quiroga), Araceli Macías (A Veiga) e Tania Sánchez (Manzaneda), acadaron o segundo posto na categoría de proxectos promovidos por mulleres.
Nunha edición onde se avaliaron máis de 50 proxectos, destacouse a innovación e o compromiso territorial destas iniciativas recoñecéndose o compromiso e achega que esta cooperativa produce ao desenvolvemento rural.
UN RECOÑECEMENTO MÁIS
E por se o anterior recoñecemento fose pouco, o día seguinte –xoves 16 de novembro– Tania Sánchez e Araceli Macías recollían no Instituto das Mulleres en Madrid o primeiro premio da categoría Juana Heroica da Escola de Emprendemento Juana Millán promovida por esta institución para apoiar e promover o emprendemento.
A categoría Juana Heroica fai unha mención especial aos proxectos que se desenvolven en contextos de despoboación.
Os dous premios recibidos recoñecen as iniciativas emprendedoras rendibles tiradas adiante por mulleres e cunha triple perspectiva: económica, ecológica y social.
