Os nacioalistas aseguran que os furanchos son establecementos que van permitir darlle vida ás aldeas, e axudarán á desestacionalización do turismo ademais de supoñer unha oportunidade para a venda directa do viño nun contexto no que os excedentes de viño nas adegas obrigan aos produtores a buscar alternativas de comercialización. “Cunha ordenanza municipal que permita e regule este tipo de establecementos ábrese unha alternativa para os viticultores de Pantón que ata agora non tiñan”, asegura Rosana Prieto, portavoz municipal do BNG.

“Nun concello produtor, onde o sector vitícola representa unha das apostas posibles para as persoas que queiran facer un proxecto de vida no noso concello, abriríanse así novas vías para a venda do viño, pero tamén para atraer turismo que deixe cartos no territorio”, conclúen desde o BNG.