O Club Escola Rosalía de Vigo de Bádminton vén de acadar uns moi bos resultados no Campionato de España celebrado a pasada fin de semana na localidade murciana de Cartaxena. Dos deportistas participantes, o xogador Álvaro Gómez Vázquez, residente en Vigo pero con raices soberinas, acadou dous ouros e un bronce na categoría Sub-11.

Concretamente, proclamouse dobre Campión de España nas modalidades de dobres masculino e dobre mixtos e levou un bronce na modalidade de individual masculino.

Segundo indican dende o club vigués, Álvaro Gómez pasa longas tempadas na vila de Sober xa que os seus avós residen nese concello.