As traballadoras e traballadores públicos do concello de Monforte poderán gozar de dous días adicionais de permiso, tras ser aceptada pola xunta de goberno local, a proposta presentada por CSIF Lugo con este fin, dada a coincidencia en domingo dos días 24 e 31 de decembro.

Estímase a petición de CSIF en base á resolución da Secretaría de Estado de Función Pública, pola que se establece o réxime de goce de dous días de permiso adicional pola coincidencia en domingo dos días 24 e 31 de decembro de 2023.

O concello de Monforte, tras comunicar a decisión a CSIF Lugo, trasladará tamén este acordo aos empregados públicos do concello para o seu coñecemento e que así poidan proceder á solicitude deses dous días.