“Sarria Concilia 2023-24” ten prazo aberto de inscrición ata o 12 de decembro. A actividade, con número de prazas limitadas, está dirixida aos nenos e nenas escolarizados nas etapas de Infantil e Primaria nos centros educativos de Sarria. O servizo dividirase en tres horarios: Servizo Madrugadores, de 7.30 a 9.30 horas; Ludoteca de Nadal, de 9.30 a 14.00 horas; e As tardes do cole, de 14.00 a 15.30 horas, que inclúe servizo de friameira, garda e custodia.

As solicitudes deben presentarse no Rexistro xeral do Concello de Sarria e a publicación provisional da listaxe de admitidos/as realizarase o día 14 de decembro. No caso de que algunhas solicitudes deban emendar ou completar a documentación presentada, poderán facelo do 15 ao 19 de decembro e ao día seguinte, o 20 de decembro, publicarase a listaxe definitiva de admitidos/as.

Entre o día 20 e o día 25 os admitidos deberán efectuar o pagamento do servizo, que ten os seguintes custos: 8,86 euros para o Servizo Madrugadores; 8,86 euros para a Ludoteca de Nadal; e 17,72 euros para ambos servizos conxuntamente