Hai meses que desde o BNG veñen reclamando documentación e explicacións de onde e como se foron gastando os fondos públicos. “O punto de inflexión xorde cos gastos da Feira do Viño 2023 da que non se da a documentación. Existe unha documentación, a dos gastos da feira do viño, que ten que estar elaborada e contabilizada, e que pertence a datas anteriores a expirar o anterior mandato que foi liquidado economicamente antes do pleno de organización, logo como pode non dispoñerse desa documentación”.

Continúan desde o BNG, “Non coñecemos a situación económica real do concello nin se presentaron orzamentos para o 2024, si sabemos que se necesitou crédito para pagar a fornecedores que levaban sen cobrar meses, e que non se atenderon os gastos correntes como a luz ata setembro desde xaneiro”.

Así os nacionalistas piden dar resposta con datos e documentación ás seguintes preguntas:

• Liquidación e Conta Xeral do 2022.
• Arqueo de caixa con data actual.
• Saldos bancarios a data actual.
• De canto crédito dispoñemos según os datos que obran neste momento no concello?
• Estado de execución do orzamento 2023 a data actual.
• Estado actual do Remanente de Tesouraría.
• Cal é o crédito existente para cubrir as achegas municipais no gasto subvencionado por outras entidades e/ou administracións?
• Informe anual de reparos de Intervención do exercicio 2022.
• De estarse intentando operación de financiamento bancario, de que importe é a solicitude, en que estado (pendente, aprobada ou denegada) está, e en que entidades foi solicitada a
  operación?
• De termos concedido algún préstamo ou póliza bancaria, cales son as condicións (TAE, tipo de xuro) da mesma e os importes.
• Pedimos acceso expreso á copia das condicións do empréstamo ou póliza.

Relativo á feira do Viño piden e preguntan por:

Memoria detallada de todos os ingresos e gastos da Feira do Viño e da Empada do ano 2023. A memoria debe detallar: No apartado de ingresos ten que especificar os conceptos, fornecedores, cantidades exactas e cal é a partida de gasto á que se lle imputa na contabilidade do concello. Tamén no apartado de Ingresos. Que axudas obtidas doutras administracións foron empregadas neste evento?, Cal é o importe desas subvencións ou axudas, e administracións que as achegan, De Ingresos por patrocinios ou posibles convenios con entes privados ou mixtos?, Cal é a cantidade ingresada e onde de contabiliza a venda de copas e outros elementos que o concello vende durante o evento?