Adif restaurou o mural ferroviario do vestíbulo da estación de Monforte de Lemos. Desta actuación, destaca que a obra constitúe un documento histórico ao recrear o mapa ferroviario das liñas de ancho ibérico existentes en Galicia en 1954.

A súa restauración permitiu recuperar as cores orixinais e eliminar os efectos do paso do tempo nunha obra a cargo de Cándido Fernández Inchaurbe, delineante proyectista de Renfe.

A peza é unha pintura de corte realista e ton divulgativo, que destaca a importancia de Monforte de Lemos como nó ferroviario e na que se poden apreciar monumentos representativos de Galicia, como a Torre de Hércules, a muralla de Lugo ou a Ponte Vella de Ourense.

En relación a esta actuación, o alcalde, José Tomé, puxo en valor esta restauración por preservar “o legado histórico e cultural” do municipio.