A ANPA lembra que entre os seus fins está asistir aos pais, nais e aos titores en todo o que afecte á educación dos seus fillos e fillas, e requirir aos poderes públicos o cumprimento das leis, regulamentos e plans de actuación relativos á educación, reclamando a actuación que esta merece.
A este respecto, a ANPA que conta con máis de 100 familias asociadas cre e aposta por unha educación que garanta a igualdade de oportunidades, independentemente da idade e da procedencia. Lembran ademais que é un principio do sistema educativo segundo a LOMLOE a participación da comunidade educativa na organización, goberno e funcionamento dos centros docentes,.
Así desde a ANPA elaboraron un proxecto para que o patio de infantil puidera ser usado en condicións óptimas para os nenos e nenas de 3 a 6 anos e lamentan que a día de hoxe “o patio segue tendo as mesmas carencias, imposibilidade de uso, e en ocasións insalubridade que o curso 2020, ano no que se estableceu ese lugar como patio de infantil”.
A Gándara desperfectos equipamento / ANPA A Gándara
O colexio da Gándara é unha escola de extra-radio, nas aforas da zona urbana, pero unha escola que debe garantir unha educación de calidade, “Está claro que xa ten os seus anos, pois dos colexios públicos é o máis vello e o que precisa máis arranxos. Temos un pavillón ao que non se lle cambiou a cuberta dende os anos 80, temos tamén un patio no que hai moitos elementos deteriorados”.
Nesta situación a ANPA demanda de todas as administracións as solucións e investimentos que garantan que os nenos e nenas do CEIP A Gándara poidan exercer o seu dereito a unha educación de calidade.
A Gándara desperfectos equipamento / ANPA A Gándara
