A Xunta de Goberno Local do 3 de xaneiro aprobou precintar o local de hostalería situado na rúa Duquesa de Alba, concretamente no baixo do número 46, por non contar con licencia definitiva de apertura.
A Xunta de Goberno acordou incoar expediente de reposición da legalidade urbanística por exercicio da actividade no mencionado local pois estaba amparado unicamente por unha licenza provisional caducada, que non permite a apertura do mesmo, por non estar vixente a licenza.
Neste senso, tamén se declarou ineficaz a comunicación previa que a actual xerencia do local presentou solicitando o cambio de titularidade da licenza de actividade económica do citado local, debido precisamente a que este cambio non é posible se non se conta con licenza definitiva de apertura.
O alcalde explica que “decidimos adoptar a medida cautelar de peche do establecemento ante o perigo que a súa apertura pode supor para os intereses públicos, para o cal axentes da Policía Local deste Concello procederá na tarde deste xoves 11, a partir das 17:00 horas, ó precinto do local.”
