A presidencia da Red de Juderías deixa de ser do concello de Monforte e pasa ó de Plasencia, sendo o novo presidente da Red o seu alcalde, Fernando Pizarro García-Polo. O alcalde monfortino salientou que “foi un reto enorme asumir a presidencia da Red de Juderías en 2023, foi a primeira vez que a nosa cidade acolleu a presidencia da Red, dende que ingresamos nela en 2001”.

Durante a súa presidencia Tomé desenvolveu a organización da 63ª Asemblea da Red de Juderías “que celebramos en Monforte o 26 e 27 de outubro, a cal foi todo un éxito en canto a participación, co 70% dás cidades membro presentes, e tamén un éxito en canto ós acordos adoptados”. Outro dos retos que se marcou José Tomé como presidente da Red foi promocionar e dar a coñecer Monforte e a Ribeira Sacra, algo que se levou a cabo especialmente no transcurso da Asemblea xeral celebrada en outubro.

Dentro das actividades de promoción da Rede, unha das máis relevantes posta en marcha en 2023 foi o novo Portal Turístico traducido a tres idiomas: castelán, portugués e inglés, orientado a buscar a difusión internacional.