HomeCulturaJavier Saco, profesor do colexio dos Escolapios de Monforte, elixido 2º Mellor...

Javier Saco, profesor do colexio dos Escolapios de Monforte, elixido 2º Mellor Docente de España

Javier Saco Fernández foi proclamado segundo mellor docente de España na categoría de ESO e Bacharelato. Esta distinción outorgouse na gala dos premios Educa Abanca 2023 celebrada este pasado sábado na facultade de Ciencias da Educación da Universidade da Coruña.

Publicado o

POR
Redacción
- Advertisement -

Javier Saco impulsou un ambicioso proxecto educativo denominado “O Recuncho de Leonardo”, que serve de complemento ao seu labor docente na aula. Este proxecto multidisciplinar ten como obxectivo mellorar a saúde emocional do alumnado e protexelo fronte ás potenciais contornas tóxicas que se poidan manifestar. Para iso, o proxecto nútrese de referentes culturais e creativos dos que tamén o propio alumnado é partícipe e coautor. O alumnado, ademais de participar na creación de contidos audiovisuais de coidada factura, encárgase de divulgar esta conciencia sa a través de espazos de radio e redes sociais, co ánimo de servir de apoio a quen máis o poidan necesitar.

Doutra banda, o labor de aula deste profesor conta con diversos proxectos curriculares de deseño propio que buscan fomentar o espírito crítico e a análise rigorosa da información, preservar a ética e seguridade no uso da internet e concienciar da importancia sobre a preservación da Natureza fronte aos retos tecnolóxicos.

Outros méritos cultivados por este docente no curso 22/23 foron o primeiro premio da segunda edición do concurso “Ciberseguridade non Cole”, o primeiro premio do certame CINEDUCA co curto “A Moza da Xanela” e o premio do público pola curta “VR” presentada no Fancine de Lemos na sección “curtas curtas”

ÚLTIMAS

Transportes licita por 603.634€ obras para mellorar a seguridade viaria na N-540 e N-120

.O anuncio de licitación foi publicado na Plataforma de Contratación do Sector Público (PLACSP)...

Por Chantada presenta unha moción reclamando medidas urxentes de mellora na seguranza viaria

O grupo municipal Por Chantada – Interior Galego Vivo vén de presentar unha moción...

Afigal prestará servizos financeiros ás empresas asociadas a Ribeira Sacra Next

Afigal e a Asociación de Empresas Ribeira Sacra Next asinaron un convenio de colaboración...

‘Miconcurso de tapas’, iniciativa dos Lactourus para dinamizar a hostalería de Monforte

A Asociación Micolóxica Os Lactouros organiza os vindeiros mércores 18 e xoves 19 de...