A avaría, que tivo lugar o pasado día 26 de febreiro, provocou unha falta de abastecemento no subministro de auga, logo de que se producira o baleirado dos depósitos da potabilizadora, por mor de dita avaría, tal e como explican desde o concello de Monforte.

A instalación dun xerador por parte de Naturgy, logo dos requerimentos levados a cabo tanto dende o Concello como dende a empresa Aqualia, permitiu o reestablecemento do servicio na cidade. “Debido á extensa rede de tubaxes do Concello, que abrangue moitos quilómetros, no puntos máis altos dalgunhas parroquias tardou máis en chegar o subministro”, sinala o alcalde.

Logo de rematar os traballos de reparación da liña eléctrica por parte de Unión Fenosa, a planta potabilizadora ven de recuperar o seu funcionamento normal, e as zonas das parroquias afectadas recuperaron a normalidade do servizo.