HomesociedadeO Concello de Bóveda ofrécese a facilitar o rexistro de galiñeiros para...

O Concello de Bóveda ofrécese a facilitar o rexistro de galiñeiros para autoconsumo

Dada a obrigatoriedade de inscribir ese tipo de actividade nun rexistro da Xunta, o concello vén de facer público un bando no que se pon a disposición da veciñanza para axudar cos trámites.

Publicado o

POR
Redacción
- Advertisement -

Segundo normativa vixente sobre sanidade animal todas as granxas avícolas, incluídas as de autoconsumo que tanto abondan no noso rural, deben estar inscritas no Rexistro Xeral de explotacións gandeiras. Para cumprir con este trámite os titulares das devanditas explotacións deben comunicar os datos necesarios para a súa inscrición no rexistro que xestiona a Xunta de Galicia.

Esta obrigatoriedade afecta, polo tanto, aos currais avícolas cuxa finalidade sexa o autoconsumo familiar onde se manteñan aves das especies galiñas, pavos, parrulos, pintadas, gansos, paspallás, perdices, faisáns ou pombas.

QUE SE CONSIDERA COMO EXPLOTACIÓN DE AUTOCONSUMO?

Enténdese como explotación de autoconsumo aquela explotación que teña como máximo 0,15 Unidades de Gando Maior (UGM) de capacidade máxima de aves de curral (máximo 30 galiñas poñedoras ou 50 polos de engorde e os seus equivalentes noutras especies), e que en ningún caso, comercialice os animais ou os seus productos (carne, ovos, outras producións…). No caso de que exista comercialización serán consideradas como explotacións avícolas reducidas.

Non poderán ter a consideración de explotación avícola de autoconsumo aquelas onde se críen especies de aves corredoras (ratites).

As instalacións onde se manteñan soamente aves ornamentais non se consideran explotacións de autoconsumo.

COMO SE FAI O REXISTRO?

Para levar a cabo este rexistro será necesario accecer á páxina da Xunta de Galicia e cubrir o modelo MR501A. Despois, esa solicitude terá que presentarse de xeito telemático ou ben presencial na oficina de Extensión Agraria correspondente.

Para facilitar esta xestión á veciñanza, o Concello de Bóveda vén de facer público un Bando onde ofrece colaboración ás persoas que o precisen.

ÚLTIMAS

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...

Presentación literaria e exposición de pintura na Casa da Cultura de Chantada

Yolanda Álvarez é escritora, poetisa e profesora de baile e preséntase principalmente como “nai de...

‘Aquelarre das Meigas’, un evento que se consolida na programación do ‘Estase Cocendo’

O 'Estase Cocendo', as XVII Xornadas do Cocido de Entroido da Ribeira Sacra, encamiñan...