Dende este mércores ata o 19 de marzo as compras nos establecementos do ACES Sarria dan a oportunidade de premiar a un pai cun regalo especial e diferente. Durante a vixencia da campaña, os clientes depositarán os seus tíckets de compra nas urnas habilitadas nos establecementos asociados á ACES, cubrindo os datos dun papá (que pode ser seu pai, el mesmo, un avó, un tío, …).
“Este ano o Día do Pai o queremos celebrar dun xeito especial, os pais serán os protagonistas. ¡Con cariño, para papá!“, destacan desde a ACES. Trátase da terceira campaña do Centro Comercial Urbano de Sarria neste ano, coa que se pretende dar valor ao comercio local.
O venres, 22 de marzo, procederase ao sorteo e coñecerase ao papá premiado que gozará dun vale de compra de 200€ para gastar nos nosos comercios asociados.
