Para celebrar o Día Internacional da Muller, o centro de ensino monfortino organizou a busca do tesouso e para iso contouse coa colaboración de A Bella Otero, Rosalía de Castro, Concepción Arenal, María Pita, Maruja Mallo, Isabel de Barreto, Egeria e dona Emilia Pardo Bazán.

Do xogo homenaxe resultou gañador o equipo 3 de 4º ESO, que recibiu do Centro Comercial Urbano un premio de 50 euros por integrante para mercar en calquera comercio asociado de Monforte.

Para esta experiencia contouse coa colaboración de alumnado e profesorado das familias profesionais de Téxtil (ciclos de Calzado e Confección), Imaxe Persoal (Peiteado, Estética e Estilismo, Informática (Sistemas Microinformáticos e DAW) e Administración (Xestión, Administración e Finanzas e Asistencia á Dirección), “ós que lles agradecemos a implicación e esforzo realizado para o maior lucimento da actividade”, aseguran desde o centro.