Os tres cursos de AFD (Accións Formativas Dirixidas) que se ofrecerán no IES A Pinguela despois da Semana Santa son de nivel 1, o que supón que non se necesitan estudios previos para poder realizalos.
CURSOS QUE SE OFERTAN
O TCPF0109, “Arranxos e adaptacións de pezas e artigos en téxtil e pel”, chega ás 408 horas, cunha financiación de 29.909,70 euros. Comezará o 5 de abril e rematará o 24 de xullo en horario de 9:00 a 14:00 horas.
O curso IFCT0108, “Operacións auxiliares de montaxe e mantemento de sistemas microinformáticos”, ten unha duración de 388 horas e unha financiación de 29.934,00 euros. Desenvolverase do 5 de abril ó 18 de xullo en horario de 16:00 a 21:00 horas da tarde.
O curso IMPE0108, “Servizos auxiliares de estética”, terá unha duración de 378 horas. A súa financiación alcanza os 25.833,60 euros e realizarase do 18 de abril ó 31 de xullo en horario de 16:00 a 21:00 da tarde.
Para cada curso ofértanse 15 vacantes, a formación é de balde e está promovida pola Consellería de Promoción do Emprego e Igualdade da Xunta de Galicia. Os interesados e interesadas deben estar inscritos/as na Oficina de Emprego.
