¡A nai que me pariu! é o nome da campaña do Centro Comercial Urbano de Sarria con motivo do día da nai. Dende este luns e ata o 5 de maio as compras nos establecementos asociados dan a oportunidade de premiar a unha nai cun regalo especial.
Durante a vixencia da campaña, os clientes depositarán os seus tíckets de compra nas hurnas habilitadas nos establecementos asociados a ACES, cubrindo os datos dunha mamá (que pode ser súa nai, ela mesma, unha avoa, unha tía, …).
O mércores, 8 de maio, procederase ao sorteo e coñecerase a mamá premiada que gozará dunha estancia de dous días para dúas persoas nun balneario da provincia de Lugo en réxime de media pensión.
Os clientes do Centro Comercial Urbano de Sarria teñen onde escoller para mercar os seus agasallos grazas a gran variedade de establecementos e de moi diversos sectores que forman parte da Asociación: salóns de beleza, ópticas, axencias de viaxe, roupa, calzado, agasallo, colchoerías, decoración, restaurantes…
