A Dirección Xeral de Planificación Enerxética e Recursos Naturais, da Consellería de Economía, Industria e Innovación, outorgou autorización administrativa previa e de construción para a hibridación dunha instalación solar fotovoltaica co parque eólico Serra do Páramo que a empresa Virandel promove no concello lucense do Páramo. Este martes, o Diario Oficial de Galicia (DOG) publicou dita resolución para a construción dun parque cunha potencia de 3.200 quilowatts (kw), que alcanzan os 23.200 kw se se ten en conta a potencia eólica. 

Contaría con 5.700 paneis solares de silicio monocristalino, segundo se desprende das características técnicas do proxecto. “Estas autorizacións outórganse sen prexuízo de terceiros e independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas”, lembrou a Xunta.