Un motorista de 47 anos faleceu esta tarde de martes ao chocar contra un coche na estrada LU-933, nas inmediacións da ponte nova de San Clodio, no municipio de Quiroga.

Segundo informa o 112 Galicia, sobre as 18:10 horas un particular deu aviso do accidente. Ata o lugar desprazáronse os servizos sanitarios, pero só puideron confirmar o falecemento.

O suceso tivo lugar no quilómetro 31 da LU-933 (que une Monforte con Quiroga e A Rúa). Foron avisados o 061, membros do GES de Quiroga-Folgoso do Courel e Garda Civil de Tráfico.

Pola súa banda, os efectivos do GES realizaron tarefas de limpeza do asfalto para poder circular pola vía.