A asociación monfortina aulaABERTA organiza un novo acto e aproveita a celebración das Letras Galegas para facelo. Segundo explican dende a directiva “Eva Teixeiro e Eli Ríos, propóñennos celebrar con Alma de violino un acto cheo de emoción. Esta obra é un álbum ilustrado por Laura Suárez e escrito por Eli Ríos e Beatriz Maceda para todos os públicos, que nos achega á figura da autora homenaxeada este ano, Luísa Villalta, con delicadeza e profundidade”.

Ademais da obra que presentará Eli Ríos, escritora e profesora, é autora de moitas outras como, por exemplo, Remexido de patacas, Luns ou Culpable. Tamén colabora coa revista dixital de crítica literaria feminista A Sega.