O equipo monfortino recibiu o trofreo correspondente á Liga de 2ª Provincial de baloncesto, na categoría alevín na territorial de Ourense.

A entrega deste trofeo que é un recoñecemento o éxito acadado pola división alevín deste club de baloncesto, fixose durante o transcurso do campionato BabyBasquet 2024, organizado en colaboración co Concello de Monforte e a Federación Galega de Baloncesto, no novo pavillón polideportivo municipal de A Pinguela.

Neste campionato achegaronse ata Monforte os equipos ourensáns do A.B.O., C.B. Ourense, C.B. Maside, C.B. Allariz, A. B. Xinzo, Vedruna, Femenino O Barco, BBall OU, Depordima, así como o C.B. Val de Lemos.