O evento pretende achegar a realidade do mundo profesional ao alumnado de 4º da ESO de Monforte e comarca así como aos equipos de orientación de todos os centros. Tamén ao alumnado do centro dun xeito divertido e dinámico, amosando os diferentes puntos de vista tras rematar os estudos de FP das familias profesionais coas que conta o IES Daviña Rey, Electrónica e electricidade, Atención a Persoas en Situación de Dependencia e Automoción.

Como poñentes están en representación do mundo empresarial: Prodeme, Agrícola Pérez e Sicyme, para falar do mundo do emprendemento está o Polo de Emprendemento de Monforte e están tres persoas representado a exalumnado para aportar a súa visión como traballadores con éxito tras facer os seus estudios de FP.

Para finalizar está Brais Moure, recoñecido youtuber de Monforte para facer unha pequena intervención sobre a súa traxectoria.