A relatora será a profesora, escritora e tradutora da Pobra do Brollón, Olga Novo; Premio Nacional de Poesía no 2020. Olga Novo disertará sobre a vida e obra de Luísa Villalta, establecendo un diálogo coa autora homenaxeada este ano polo Día das Letras Galegas.

Vivir na Poesía, título da conferencia de Olga Novo, alude á idea da experiencia profunda do poético como unha mirada sensible sobre o mundo, asentada na revelación e na música, alicerces da obra de Luisa Villalta, que foi, como é sabido, escritora e violinista.

O BNG de Quiroga convida á participación para coñecer algo máis a esta autora coruñesa que deixou un importante legado literario para as nosas letras; intelectual que ademais coñeceu de primeira man a conferenciante, Olga Novo