O Alcalde de Monforte, José Tomé Roca, acompañado pola 1ª Tenente de Alcalde, Gloria Prada, participou nos actos con motivo do 150 aniversario do Colexio dos Escolapios de Monforte.

No acto estivo acompañado polo Padre, Javier Agudo García, a directora deste centro educativo, Estefanía López López, o anterior director e profesor, Pablo Blanco Losada, así coma outros docentes e autoridades.

Tamén este sábado desenvolvéronse os actos de conmemoración do centenario do Club Arenas. Tomé Roca estivo acompañado pola 1ª Tenente de Alcalde, Gloria Prada e polo concelleiro de Deportes, José Manuel Mougán,

O rexedor monfortino acudiu ó inicio do partido homenaxe que se disputou dende as 11:30 horas no campo municipal de fútbol Luis Bodegas, no que se enfrontaron ex-xogadores do club distribuídos en 2 equipos, “Arenas Legends” e “Arenas e Amigos”. En total, inscribíronse para este partido homenaxe 130 ex-xogadores deste histórico Club.

Na súa intervención antes do saque de honra, o Alcalde, manifestou o seu apoio para que o Club Arenas poida volver a recuperarse e participar de novo en competicións, xa que actualmente non conta con equipos en activo. O rexedor monfortino manifestou que, “si o Club Arenas volve a competir, contará coa axuda do Concello, nas mesmas condicións que o resto de clubs deportivos da cidade”.

O saque de honra foi efectuado polo Alcalde e polo histórico presidente do Club Arenas, Manolo Rodríguez. Cada equipo xogou cunha camiseta conmemorativa dos 100 anos do Club, un xogou de negro e o outro de amarelo. Celebrouse comida de confraternidade, e a Capela de Carude acolleu unha exposición de fotos antigas do Club. Organizaron os actos, veciños do barrio de Carude, coa colaboración do Concello de Monforte.

100 aniversario Club Arenas / Concello de Monforte