O Concello da Pobra do Brollón organiza, en colaboración con ADEGA (Asociación para a Defensa Ecolóxica de Galiza), unha interesante charla sobre os impactos ambientais da macrocelulosa ALTRI.

Será este mércores 5 de xuño na ‘Casa da Cultura Olga Novo’ ás 20:15 h. e correrá a cargo de Ana F. Santamariña, vogal de Augas de ADEGA, e doutora en hidroloxía e xestión de recursos hídricos.

A factoría de fibra de celulosa está proxectada para instalarse en Palas de Rei, ao borde do río Ulla e limitando coa Serra do Careón, espazo Rede Natura.