“Con todo o noso pesar, vémonos na obriga de aprazar o Día do Comercio, que íamos celebrar este sábado, para o 22 de xuño, tamén sábado”, así se pronunciaba o Centro Comercial Aberto Ribeira Sacra de Chantada.

As previsións metereolóxicas provocaron esta decisión por parte da organización. Ante a alerta de fortes treboadas dende a tarde deste venres ata a medianoite do sábado, e dado que a festa ía celebrarse con moitas actividades ao aire libre, cren que o máis oportuno é suspender a festa e pasala ao 22 de xuño.

“Lamentamos moitísimo as molestias que isto vai causar, pero a meteoroloxía non está nas nosas mans”, concluían dende o CCA Ribeira Sacra.