Esta segunda entrega, onde xa se pecha de forma circular a historia principal, Conquista de Luz y Oscuridad, chega para sorprender, facernos reflexionar e inundarnos de emocións. “A nivel persoal, estou nerviosa pero tamén moi ilusionada por poder compartir unha vez máis este proxecto con todas as persoas que xa o abrazan, e coas que chegarán para abrazalo nun futuro. Vanusum, para min, é moito máis que un mundo de fantasía. É unha aventura real, que se pode vivir, tocar, sentir e saborear. Coa que podes rir ou chorar. É algo tanxible, a pesar de invisible para os ollos. Vanusum é maxia, coma todos nós”, sinala a autora.
Andrea Micc convida a todos os interesados e interesadas a participar dun acto que asegura será bonito e acolledor, “Penso que á hora de ler, se vai percibir tamén a diferenza de escritura dunha Andrea de 13 anos (cando escribín a primeira parte), á Andrea actual. Quero coñecer as reaccións; aínda que algunhas xa me chegaron, e están a ser moi boas”.
Andrea Micc regresará a Monforte coincidindo coa Feira do libro que se organiza na cidade do Cabe. O 24 de agosto asinará os seus libros coa Libraría Entrelibros.
