Na presentación do Festival, o Alcalde estivo acompañado polos organizadores do festival: José Luís Vázquez “Lito”, Dolores Díaz, Juan Dieguez, Borja Vázquez, Manuel Rodríguez (Chusco), Sergio Díaz, ademais da 1ª Tenente de Alcalde, Gloria Prada, e o Concelleiro de Servizos, José Luís Losada. Na organización, tamén están, ademais dos citados, Brais Rodríguez y Tomás Fernández.
O obxectivo do Carude Rock, un festival que conta co apoio do Concello de Monforte é, en verbas do Alcalde “ser un bo escaparate para que os grupos da nosa bisbarra e doutros puntos de Galicia poidan facer disfrutar ó público que acude a este festival. E ademais, suporá unha importante actividade para o barrio de Carude, que esa noite estou seguro recibirá a centos de visitantes.” O Concello de Monforte subvenciónao cunha axuda de 4.000 euros.
Contarase coas seguintes actuacións, todas elas de balde e que terán por escenario a praza de Carude:
- Deloreans
- 7 Rojo
- Zënzar
- Mártires del Rock’N’Roll, Tributo a Los Suaves