Desde Esperta Monforte lembran as subvencións que concede a Xunta para este tipo de servizos e pídenlle ao concello que realice as xestións necesarias ante a Administración Autonómica para poñer en funcionamento o servizo de atención temperá.

Repasan que a atención temperá son as actuacións dirixidas á poboación infantil de 0 a 6 anos, á súa e á súa contorna, para dar resposta ante posibles necesidades transitorias ou permanentes que presentan os nenos e nenas con trastorno no desenvolvemento ou en risco de padecelos, para facilitar o desenvolvemento de súa autonomía persoal e inclusión social. Aseguran que segundo datos da Xunta, “Todos os concellos que solicitaron a creación deste servizo, obtiveron axudas da Xunta, que contribúen a todas as horas de servizo”.

Noutra moción Esperta Monforte pide ao concello que se fagan as xestións necesarias para dotalo de interventor e secretario a tempo completo e non a tempo parcial, “como se está agora, nun concello 18.250 habitantes con presuposto de 16 millóns de euros.

Esperta Monforte preguntará tamén pola Vasoira de Platino que vén de recibir o concello despois de que un xornal publicase que as entidades beneficiarias pagaban por recibir o premio. Neste caso preguntan canto leva pagado nos últimos 5 anos o concello á asociación Atregus por recobir este premio e se se coñece relación entre a asociación e a empresa FCC.