Comeza a festividade máis esperada para a veciñanza de Escairón, capitalidade do Concello do Saviñao. Trátase das Festas Patronais na horna á Virxe das Dores.
Na programación, que transcorrerá do 3 ao 6 de agosto, destacan a presenza de grandes orquestras, grupos de moda na zona, eventos deportivos, xogos populares, actividades para público infantil ou a tradicional carreira de burros.
PROGRAMA
O sábado 3 de agosto arrinca coa “XII Carreira Popular Concello do Saviñao” que terá a súa saída dende a Praza Maior de Escairón. Ás 11:00 h. sairán os corredores das categorías infantís, e ás 12:00 h. farao a categoría absoluta.
Ese mesmo día pola noite, a partir das 22:00 h., ‘Gran Festa Verbena’ na Praza Maior co Grupo Punto Clave e as bandas Malenne e Gin Toni’s, formacións que farán gozar ao público amante do pop, o rock e a música indie.
O domingo preséntase cun pasarrúas ás 11:00 h. da man da Banda de Prado e o grupo de gaitas Os Tarabellos do Saviñao. Pouco despois, xogos populares na Praza maior ás 12:00 h. e Misa solemne e procesión ás 13:00 h.
Para poñer o remate de eventos pola mañá, concerto do Grupo de Gaitas Os Tarabelos do Saviñao e a Banda de música de Prado, e sesión vermú coa orquestra Primera Línea na Praza Maior.
Pola tarde terá lugar o Trofeo de Fútbol Festas de Escairón entre o At. Escairón e o CD Córgomo ás 18:30 h. e a partir das 20:00 h. outro pase musical a cargo da orquestra Primera Línea. A verbena estará amenizada, a partir das 23:00 h. coas orquestras Nueva Fuerza e Panorama.
O luns 5 ás 12:00 h. o campo de fútbol da Lama acollerá as actividades de bicicleta lenta e carreira de sacos infantil, e ás 14:00 haberá sesión vermú na Praza Maior coa orquestra Primera Línea.
Pola tarde, neste comezo de semana, a partir das 17:30 h. haberá atraccións de balde para a rapazada no campo da Lama; e xa pola noite verbena na Praza Maior coas orquestras Galilea e Gran Parada.
FIN DE FESTA
O martes 6 de agosto será, como é tradicional, o día grande que pon o ramo ás Festas Patronais da capitalidade do Saviñao. E nesa data non faltará a ‘Gran Carreira de Burros’ ás 12:00 h. nin a competición de ‘Tiro de Corda’ infantil e de adultos ás 13:30 h.
A continuación, para amenizar o xantar campestre na Devesa de Escairón, contarase coa Charanga Louband que ofrecerá sesión vermú e actuación itinerante pola tarde.
Volve o fútbol ás 18:30 h. co Trofeo Excmo. Concello do Saviñao co partido que medirá ao At. Escairón co Lugo B.
Como colofón ao programa de festas, ás 20:00 h. haberá un Festival de DJ coa presenza de Dj Rokiño, DJ Espasantes. Carballas DJ e Marcos Magán e a actuación da orquestra Combo Dominicado. Ás 00:30 h. gran folión de Fogos artificiais que poñerán o ramo a catro intensos días de celebracións.
