O concerto transita por aqueles xéneros que noite tras noite se foron consolidando como a esencia das nosas verbenas: desde o pasodobre á rancheira, pasando polas cumbias, merengues, ou a nosa música galega.

Ademais das cadeiras para desfrutar do concerto, haberá espazo para que o baile sexa o protagonista, “pois estamos a falar de grandes éxitos que xa son parte do imaxinario colectivo de varias xeracións e algunhas das pezas máis bailadas en tantas noites de festa”, destacan desde a Banda de Música de Chantada.

O concerto está aberto a todas as persoas interesadas e convídase a participar para gozar dunha voz que deleitará ao público e converterá a Praza do Cantón nunha auténtica verbena na tarde-noite do venres día 9.