“Máis de 100 metros de gymkhanas con novos obstáculos para vivir unha experiencia aínda máis espectacular que a de anos pasados”, así convidan á veciñanza e visitantes os responsables do Centro Comercial Urbano (CCU) de Monforte de Lemos para aproveitar a ocasión de pasalo en grande do 22 ao 24 de agosto, na Praza da Compañía.

GYMKHANAS DE 76 E DE 35 METROS

Para este ano, o CCU presenta unha Gymkhana de 76 metros de inchables con 7 módulos totalmente novos con obstáculos diferentes e nunca vistos antes en Monforte. Atracción apta a partir de 5 anos e sen límite idade para poder empregala no caso de verse en forma e sen problemas de saúde. Ademais desta novidade, os máis peques tamén poderán gozar dunha nova gymkhana de 35 metros, pensada especialmente para eles. Neste caso, recoméndase o emprego da mesma só para aqueles pequenos e pequenas que teñan non máis de 5 anos.

Estas actividades están cofinanciadas pola Xunta de Galicia e contan coa colaboración do Concello de Monforte.

COMO CONSEGUIR AS ENTRADAS?

Os clientes do Centro Comercial Urbano (CCU) de Monforte poden acceder por 1€ presentando unha entrada da actividade. Para conseguir as entradas da actividade é necesario facer un gasto de polo menos 9 € nalgún dos establecementos asociados ao CCU (cada negocio contará con 50 entradas). 

O acceso para quen non poda presentar entradas conseguidas como se vén de comentar, terá que pagar 15 € por entrada + 1€ de acceso a algunha das Gymkhanas.

Da entidade dinamizadora do comercio local monfortino recomendan tamén estar atento ás súas redes sociais, @ccumonforte en Instagram, Facebook e X, onde será posible que se agasallen entradas entre os/as seguidores/as.

HORARIOS

As dúas Gymkhanas estarán abertas ao público no seguinte horario:

– Mañás: de 11.00 a 14.00 h.

– Tardes/Noites: de 17.00 a 22.00 h.