A actuación forma parte do Programa de conservación e restauración de leitos da demarcación hidrográfica do Miño-Sil en Galicia.

Os traballos vanse levar a cabo á altura da ponte da estrada N-120 entre os termos municipais de Sober e Pantón.

Con esta obra preténdese diminuír o risco de inundacións, recuperar a morfoloxía natural do leito e recuperar a dinámica natural do río en canto a fluxos e transporte de caudais sólidos. Tamén ten como obxectivo recuperar o bosque autóctono de ribeira en zonas degradadas da contorna, mellorar a permeabilidade para as migracións de especies piscícolas e mellorar a adaptación e resiliencia fronte ao cambio climático do escosistema.