A Tenente de Alcalde, Gloria Prada, acompañada polo Concelleiro de Deportes, José Manuel Mougán, clausurou o 30 de agosto, o XI Campus de Voleibol Ribeira Sacra, organizado polo C.V. Ribeira Sacra Monforte, coa colaboración do Concello de Monforte.

Gloria Prada acudiu en representación do Alcalde de Monforte, José Tomé Roca, quen por motivos de axenda como Presidente da Deputación, non puido acudir ó acto, por coincidir coa saída da 13ª etapa de La Vuelta Ciclista a España en Lugo.

A entrega de medallas aos 63 nenos e nenas participantes desenvolveuse no Pavillón polideportivo municipal da Pinguela.