A LU-P 5301 conecta o Concello de Ribas de Sil co veciño ourensán de San Juan de Río. A obra supón, ademais, a mellora dos accesos aos miradoiros do futuro Xeoparque Montañas do Courel, un dos enclaves máis destacados para a vista global do territorio do Xeoparque.

O alcalde, Miguel Sotuela, destaca que para o seu Concello estas obras son de gran importancia pois trátase dunha vía moi transitada, e beneficiarase non só aos máis de 900 veciños de Ribas de Sil, senón tamén ao resto de habitantes da comarca de Quiroga e á veciña comarca de Caldelas, en Ourense.

Os traballos consisten na limpeza de cunetas, rehabilitación do firme con aglomerado en quente, e incremento da seguridade vial coa instalación e renovación da sinalización horizontal e vertical.