Co eslogan “Galiza coa chave dos seus cartos”, a campaña desenvolverase en todas as comarcas, realizando diferentes actos e encontros coa veciñanza para explicar cales son os cálculos que levan ao BNG a asegurar que un Concerto Económico galego melloraría os importes das arcas galegas

“Desde o BNG queremos expoñer en que consistiría un concerto económico galego, isto inclúe a xestión dos impostos tales como o de Sociedades, que como saberán, é exclusivo do Estado, ou as divisas que xeran os emigrantes ás que Galiza non ten nin acceso ”, di Prieto Florines responsable comarcal da formación no Sur de Lugo.

“Nesta campaña cómpre pedagoxía e dar a coñecer o que valeríamos, algo que sen dúbida terá efectos positivos na autoestima colectiva, alén de aumentar o noso nivel de rendas. O que propoñemos é a xestión propia dos recursos propios, e por suposto mantemos que non somos un país pobre, e podemos demostralo se xestionamos nós o noso, nunha relación de igualdade co Estado”, aseguran