Enrique Pérez Losada, nacido en Escairón no 1930, foi un dos máximos impulsores da creación do Círculo Cultural Recreativo Saviñao en 1958 e presidente entre os anos 1960 e 1964, volvendo exercer a mesma responsabilidade entre 1970 e 1973. Tamén foi vogal de 1964 a 1968 sendo presidentes José Ramón Seoane Rocha e Mario López Fernández, e entre 1974 e 1979 con Camilo Rodríguez Curto ao fronte da sociedade, ano que foi elixido alcalde do Concello do Saviñao.
En palabras do presidente da entidade, Enrique Sampil, “pola súa entregada dedicación, polo impulso decisivo e o permanente afecto que lle dedicou a esta nosa entidade cultural e recreativa, a xunta directiva tamén considera que Enrique Pérez Losada é merecedor do máximo recoñecemento que prevén os estatutos do Círculo Saviñao”.
