Segundo informou o Instituto Armado, a investigación policial comezou o pasado ano tras recibir unha denuncia en dependencias da Garda Civil en Monforte.

Así, ponse ao descuberto que utilizasen os datos persoais dunha veciña do Saviñao para a publicación dun anuncio nunha páxina de contactos clasificados para adultos.

A vítima, tras a publicación do anuncio, recibiu numerosas chamadas telefónicas e mensaxes mediante aplicacións de mensaxería instantánea, ocasionándolle unha “alteración do normal desenvolvemento da súa vida cotiá”.

Os investigadores solicitaron datos da plataforma anunciante e estableceron unha liña de contacto directo cos diferentes chanzos das organizacións implicadas e recompilaron datos relacionados co ilícito mediante fontes de información de acceso público, utilizando metodoloxía OSINT (Open Source Intelligence).

Coa análise da información obtida os investigadores conseguiron a completa identificación da persoa que publicou o anuncio. Os feitos foron postos en coñecemento do Xulgado de Primeira Instancia e Instrución de Garda de Monforte de Lemos