A Xunta de Galicia e a Vicepresidencia da Deputación apoian a 12ª edición do Máster de Futbolín de Sarria, que se celebra desde este 31 de outubro, ata o sábado 2 de novembro. Está prevista a chegada de participantes de diferentes lugares de Galicia e do resto de España.
A directora territorial de Emprego, Comercio e Emigración, Carmen José López, destacou o traballo dos organizadores para ser capaces de atraer cada ano a Sarria a tantos afeccionados. Tamén puxo en valor o apoio do Goberno galego a todo tipo de iniciativas que dinamizan economicamente os concellos da provincia en calquera época do ano.
O vicepresidente da Deputación de Lugo, Efrén Castro, valorou “o traballo da organización para consolidar un evento, que contribúe a dinamización económica da vila, coa participación de xogadoras e xogadores de distintos puntos de Galiza e do resto do Estado” e encadrou o apoio ao campionato “na colaboración que a Vicepresidencia da Deputación de Lugo mantén co tecido deportivo e asociativo”
Máster futbolín Sarria / Vicepresidencia Deputación
