Isabel Vázquez é autodidacta. Para esta pintora vocacional, a mostra da Casa da Cultura de Chantada convértese na súa primeira exposición. As súas pezas son un reflexo de como ela percibe o mundo e consegue plasmalo a pesar de problemas físicos e de intolerancia aos químicos que lle supoñen un condicionamento ao exercicio da pintura.

“Pinto ao meu xeito”, asegura a autora, “comecei como terapia durante a pandemia e serviume de refuxio nun momento moi catastrofista para min por motivos máis alá da propia pandemia. A pintura dame desconexión, felicidade, tranquilidade”.

Imaxes pode visitarse polas mañás, de luns a sábados de 10:00h. a 14:00h. e polas tardes de luns a venres, de 16:00h. a 20:00h.