O Goberno local solicitou 51.607 euros, dos cales a Xunta financiará o 80% en dúas anualidades, mentres que o 20% restante o asume o Concello de Bóveda. Este edificio foi construído para o uso de novas empresas, para alentar a súa creación e favorecelas nos seus inicios. A subvención obtida está destinada á creación, reforma ou dotación de equipamento ou infraestruturas de viveiros industriais de empresas en parques empresariais da Comunidade Autónoma.

Coas actuacións previstas preténdese:

• Mellorar as prestacións do edificio e a eficiencia enerxética do mesmo coa instalación dun novo illamento térmico no falso teito da zona administrativa do viveiro. Con esta actuación, mellora o uso das dotacións existentes de infraestruturas e instalacións, e en consecuencia, lógrase unha mellora ambiental mediante a redución das emisións de gases de efecto invernadoiro á atmosfera.
• Mellorar os servizos aos usuarios, mellorando as dotacións existentes de infraestruturas.
• Dotar ao viveiro de empresas dunhas instalacións de climatizacións adecuadas e enerxéticamente eficientes.
• Dotar ao viveiro de empresas dun novo sistema de proxector e pantalla eléctrica mellorando o equipamento do viveiro e alcanzando unha mellora no uso das instalacións polos usuarios así como unha optimización da xestión das actividades levadas a cabo no mesmo.

As actuacións proxectadas considéranse imprescindibles para levar a cabo un uso adecuado das instalacións favorecendo co mesmo, a creación de espazos físico de calidade para o nacemento de novas empresas de carácter industrial, dotando ao viveiro das condicións e os servizos precisos para a implantación inicial e a consolidación das empresas no municipio.

Tal e como explica o alcalde, José Manuel Arias, o novo equipamento e a dotación das novas infraestruturas técnicas “van permitir un funcionamento máis eficiente das instalacións, menor consumo de enerxía, maior eficiencia enerxética, menor custo asociado e unhas mellores prestacións”.

Viveiro de empresas / Concello de Bóveda